تم النشر فى : السبت، 24 أغسطس 2019
الناشر : مؤسسة الوطن العربى الإعلامية - لندن ، المملكة المتحدة . WA MEDIA FOUNDATION - LONDON, UK
أنا عايزك تصبر - كلمات الشاعر : طه ابراهيم
الوطن العربى اليومية - لندن..
أنا عايزك تصبر - كلمات الشاعر : طه ابراهيم
----------
لو بكره اتغير قدامك
ومصيرك مال ............
والحظ اتغير علشانك
ولاقيته شمال ..........
واتغير حلمك وخيالك
والهم جبال ..............
انا عايزك تصبر وتكمل
وتكون حمّال ...........
وتجيب السلم م الاول
بالهمه يا خال ...........
هتلاقي الدنيا بتتحول
بطبيعة الحال ..........
والحظ هايرجع يضحكلك
ويقول موال .............
وان عاند حظك مايهمش
انت الخيال ..............
اتأكد ان هاكون جنبك
علي طول ف الحال .........
واشيل الهم عشان خاطرك
وهاكون شيال ............
وهاخاصم كل اللي يخصمك
مش عايزه سؤال ..........
بس انت ياريتك تتأكد
انك ع البال ..............
وانني حبيتك واخطرتك
يا بو رمش غزال .........
**************