تم النشر فى : الاثنين، 11 نوفمبر 2019
الناشر : مؤسسة الوطن العربى الإعلامية - لندن ، المملكة المتحدة . WA MEDIA FOUNDATION - LONDON, UK
محلك سر - قصيدة للشاعر : طه إبراهيم
الوطن العربى اليومية - لندن..
محلك سر - للشاعر : طه إبراهيم
كل الكون حوالينا اتغير
وانت حبيبي محلك سر
فاكر نفسك لسه صغير
امتي بجد تلين وتقر
واللي يجنن واللي يحير
انك عند الجد تفر
عمال كده تلعب بمزاجك
اصل العمر ساعات بيغر
بكره العمر هيخلص منك
زي السبحه لما تقر
عايزتفضل كده فمكانك
واقف بردو محلك سر
خليك واقف لو يرضيك
عادي جدا مش هيضر
بس هتندم يوم علي حالك
لما سنين العمر تمر
قولي ساعتها هتعمل ايه
لما تدوق بإيدك المر
لما تشيل الهم لوحدك
مره تشد ومره تجر
واللي يشيل القربه يا فندي
ازاي يزعل لما تخر
حاول مره تغير وضعك
التغيير من طبع الحر
****************
.png "English"){kind=small}
.png&contenttype=png)
